அவள் அறிமுகம் 3

அவள் அறிமுகம் 3


அவளது முந்தைய
அறிமுகங்கள்
👇👇👇👇👇👇👇👇
அவள் அறிமுகம் 1,
அவள் அறிமுகம் 2


என் உலகமே இருண்டு போனதே

                    தெய்வத் திருமகள் அவளது

திருமுகம் காணாத ஓர் நாளில்,

                    நாளை வருவாளா வெளிச்சப்

புன்னகையை பளிச்சென்று வீச,

                    காத்திருக்கிறேன் கண்மணிக்காக

கானலாய் மறைந்து போகின்றாள்...!

                    அவள் இதயக் கள்வன் நானிருக்க

யாரோ ஒருவருக்காய் அவள்

                    பூமுகத்தை மறைக்கின்றாள்...!

அவள் எங்கு சென்றாலும்

                    தேடி போவேன் என்றாலும்...!

என்னைத் தேவையே இல்லையென்று

                    வாட்டி வதைக்கின்றாள்...!

பூங்காற்றாய் அவளைத்

                    தேடிப் போகிறேன்...

வார்த்தைத் தீயள்ளி என்மேல் வீசுகிறாள்...!

                    காதல் ரோஜாவை கையில் ஏந்தி

ஏந்திழை அவளின் வருகைக்காக

                    ஏகாந்தமாய் காத்திருக்கிறேன்...

ஆயிரமாயிம் கனவுகளுடனும்,

                    அதிசயமான அவள் நினைவுகளுடனும்...

Ajai Sunilkar Joseph 

அவள் அறிமுகம் 2

அவள் அறிமுகம் 2

அவளது 

முந்தைய அறிமுகம்

👇👇👇👇👇

அவள் அறிமுகம் 1

எழுந்திட நினைத்தேன் 

நெஞ்சோடு அணைத்தாள்,

நிமிர்ந்திட துடித்தேன்

இதழோடு இணைத்தாள்,

குறுகுறுப் பார்வையால்

குற்றாலச் சாரலை 

என்னுள் வீசிப்போகிறாள்,

நிலைமாறிப் போகிறேன்,

சித்திர விழியாளால்

சிற்பியாய் மாறினேன்,

சிற்பமாய் வர்ணித்தேன்

சிலையென ஆகிறேன்,

மதயானைக் கூட்டமாய்

எனை மோதிப்போகிறாள்,

பட்டென சாய்கிறேன்,

சிட்டென பறக்கிறேன்,

அலைபாய்ந்த கண்ணுக்குள்

சிலையாக நிற்கின்றாள்,

சீறும் அலையாக

நினைவாலே பாய்கிறாள்,

அரை நொடிப் பொழுதும்

பிரிய மறுக்கிறாள்,

கண நொடிப் பொழுதும் 

புரிய மறுக்கிறாள்...

Ajai Sunilkar Joseph 

அவள் அறிமுகம் 1

அவள் அறிமுகம் 1

முந்தைய கவிதை
👇👇👇👇👇👇👇👇
எல்லாம் ஒரு எதிர்பார்ப்புதான்...


அவளது ஊமை

 விழிகளின் மௌனத்தை

 மொழிப்பெயர்க்க முயன்றேன்,

 அவள் நெற்றியொரு

 வானென்று கண்டேன்,

 அதன் கீழொரு உயிர்

 கொண்ட வில்லொன்று

 விழிகளில் காதலை நாணேற்றி

 எந்தன் உயிர்நாடித் தேடிக்

 குறிபார்த்து அடித்திட விழுந்தேன்,

 நானும் அவளிடம் காதலில்...!

Ajai Sunilkar Joseph 

By...