சுவாசித்த காற்று எங்கே...?

சுவாசித்த காற்று எங்கே...?

முன்தின கவிதை

👇👇👇👇👇👇👇👇

கனவில் என் கற்பனை

நீரோடும் ஓடையோரம்

தென்மேற்கு பருவக்காத்து,
அடைப்பட்ட அறைக்குள்ளே
வீசுதே மின்சார காத்து...!

கம்மாக்கரை காத்துமிங்கே
காணாமல் போச்சே..!
குளிரும்,தளிரும் போய்
தேசம் சூடாகிப்போச்சே...!

ஆத்தங்கரை காத்தும் 
அழிந்தேதான் போச்சா...?
அனல்மூட்டும் காத்தும்
ஆள்வதும் ஆச்சா...?

தென்றலும் இங்கே
தீய்ந்தேதான் போச்சோ...?
தினந்தோறும் வெட்கை
தின்று விட்டுப் போச்சோ...?

பருவக்காத்தும் இங்கே 
திசைமாறிப் போச்சே...!
சுவாசக்காத்தும் இங்கே 
விஷமாகிப் போச்சே...!

Ajai Sunilkar Joseph

கனவில் என் கற்பனை

கனவில் என் கற்பனை

முன்தின கவிதை
👇👇👇👇👇👇👇👇👇👇👇
தனிமையில் ஓர் பயணம்...
👆👆👆👆👆👆👆

ஆழி முத்துகள் இரண்டை

அவள் விழிகளாய் கண்டேன்,
ரசிக்கலாம் என்றே 
அருகினில் சென்றேன்,

குழிகள் இரண்டை
அவள் கன்னத்தில் கண்டேன்,
கொஞ்சம் வழுவி 
அதனுள் வீழ்ந்தேன்,

எழும்பிட நினைத்தேன்,
மயங்கியே கிடந்தேன்,
மங்ககை விழியும்,கன்னக்
குழியும் போதும் வீழ்த்திட...?

அவளோ பூஞ்சிலை 
போன்ற பெண்சிலை,
எனக்குத் தாரமான
தங்கத் தாமரையவள்,

அங்கத்தின் அழகை நான்
இன்னும் சொல்லவில்லை,
என்னில் ஓர் அங்கமாய்
அவள் இருப்பதினால்,

அன்பை அள்ளித் தந்திடுவாள்
அன்னைப் போல தாங்கிடுவாள்,
எனக்காய் வந்த தேவதை
எனக்கு மட்டும் தெய்வமவள்,

கண்களில் கனவு தேவதையாய்
அவளே எந்தன் கலங்கரையாய்,
கருப்போ,வெளுப்போ தெரியவில்லை
அவள் எங்கிருக்காளோ புரியவில்லை...

Ajai Sunilkar Joseph

By.....

                                 

தனிமையில் ஓர் பயணம்...

தனிமையில் ஓர் பயணம்...

தனிமை நதியில் நாதியற்ற ஓடமாய் நான்.

சொந்தங்களாய் பலரும்,உறவுகளாய் சிலரும்,

நண்பனாய் நீயும்,தோழியாய் அவளும்,

காதலியாய் என்னவளும்,யார் யாரோ 

வந்து போன வழித்தடமாய் என்னிதயமும்,

துடுப்பாய் வந்தோரெல்லாம் 

தூக்கியெறிய,சொந்தமெல்லாம் தூரமாக,

உறவுகளெல்லாம் உறவறுக்க,

நண்பனும் கடந்து செல்ல, 

தோழியும் விட்டு விட்டாள்,

காதலியாய் வந்தவளும் விட்டு விட்டாள்,

எனக்குள்ளே உயிரறுந்த வேதனை,

யாருக்கு நான் செய்த துரோகம்

என்னை விடாமல் துரத்துகிறது என்று...!

இப்படியும் பல நாளாய் சிந்தித்து 

பழகிக்கொண்ட நானும்,

சிலரின் அன்பான பேச்சுக்கெல்லாம் 

வழுவி விடுகிறேன்,

யாருக்கும் இதயத்தில் இடமில்லை 

என்பதால் என்னிதயத்தின் 

வழித்தடத்தையும் அழித்து விட்டேன்,

வாழத்தெரியாதவன் என்று என்னை

சொன்னாலும் பரவாயில்லை,

சிதைந்த என்னிதயத்தை தேற்றிக்கொள்ள

தனிமையில் ஓர் இனிமை கானம் தேடி

என் பயணத்தை தொடர்கின்றேன்...

காணொளி

By...Ajai Sunilkar Joseph

நினைவுகளே தோரணமாய்...

நினைவுகளே தோரணமாய்...

தேயாத பெண்ணிலவே

உனைக் காணாத கண்ணினிலே
கரைந்தோடும் தாரைகளாய்
என் காதல் கொட்டுதடி,

காற்றொன்று என்னைத்
தாண்டிப் போனால் பெண்ணே
உந்தன் மூச்சும் என்னைக்
கொஞ்சமாய் தீண்டிப் போகுதடி,

வித்தாரக் கண்ணழகே
எந்தன் விழிநீரும் விம்முதடி,
மந்தாரைப் பூவழகே உன்னை
மனதாரக் காதலித்தேன்,

தோளோடு தோள் சாய்ந்து,
உன் மௌனத்தின் சலசலப்பை
சிறு சிறு கவிதைகளய்
மொழிப்பெயர்பேன்,

உன் நளினத்தின் சலனத்தை
சல்லடையில் சலித்தெடுத்தேன்,
என் விழிகண்ட கனவானாய் 
தூங்காமல் துயிலெழுந்தேன்,

கலைந்தோடும் முகிலானாய்
நெஞ்சில் அணையாத அகலானாய்,
நிலைகொண்ட புயலானாய்
என்றோ கரை கடந்து விட்டாய்,

நீ மழைமேகமென்றால் 
என்னை மனதார நனைத்துவிடு,
எரியாத தீயென்றால் உன் 
நெஞ்சோடு அணைத்தவிடு,

நான் இல்லாத ஓர் நாளில் 
என் நெஞ்சம் நீயறிவாய்,
உன்னை நினைக்காமல் நானுமில்லை
உன்னை நினையாத நாளுமில்லை...

நெஞ்சோடு மஞ்சம் வைத்தேன்
பற்றி எரிந்த பஞ்சானாய்,
மரணத்தின் வாசலில் பெண்ணே
உன் நினைவுகள் தோரணமா...?

காணொளி

Ajai Sunilkar Joseph


By...
கரையோரம் சிதறிய கவிதைகள்

உன்னிடம் தட்சணையாக

உன்னிடம் தட்சணையாக...

உன்னிரு இதழ்களின் 

வன்முறைகளுக்கும் மொழியினால்
உருவம் கொடுத்துப்பார்க்கிறேன்,
அது முத்தம் என்ற பெயரில் 
என்னில் தொடர்வதால்,
கத்தியும்,இரத்தமும் இன்றி
என்னை வீழ்த்தும் யுக்தியை
எனக்கும் கற்றுக்கொடு பெண்ணே...!
உன் விழிவாள் முனையில் 
எனை நிறுத்தி சாய்த்து விடாதே,
நால்விழிகளும் மௌன மொழியை
பேசி காதலாய் மொழிபெயர்ப்போம்,
என் காதல் சாம்ராஜ்யத்தையே
உன்னிடம் தட்சணையாக தருகிறேன்...

Ajai Sunilkar Joseph

By...

காகிதத்திடம் என் காதல்

காகிதத்திடம் என் காதல்

பேனாவின் முத்தத்தடத்தில் 
பதிந்த வார்த்தைகளை நேசித்தாள்,
வலிகளுடன் நான் படைத்த
என் வரிகளை நேசித்தாள்,
அந்த வரிகளைப் படைத்த
என் கரங்களை நேசித்தாள்,
வரிகள் வழியே அவள் இதயம் 
நுழைந்த கவிதைகளை நேசித்தாள்,
என்னிதயம் வரிகளில் தொடுத்த
காதலை நேசித்தாள்,
இப்படியே அவளுள் சென்ற 
என்னை மொத்தமாய் வாசித்தாள்,
இவைகளை யாசித்த அவளோ
இறைவன் படைத்த வெள்ளைத்தாள்,
காகிதமாய் அவளிருக்க என் 
பேனாவின் ஒத்தடங்களாய் 
காதலைச் சொல்கிறேன்,
அவளிடமே என் வரிகள்
அனைத்தையும் படைக்கிறேன்,
அவளுக்கு என் இதயத்தில்
நான் காதல் படைத்ததால்...

-Ajai Sunilkar Joseph

கருவில் நான்

கருவில் நான்...


யாரும் என்னைப் பார்க்கவில்லை
சிறு துளி உதிரமாய் இருளிலே 
மூழ்கி விட்டேன்,

பலகோடி அணுக்களிலே நான் 
மட்டும் அந்த சிம்மாசனத்தை 
அடைந்து விட்டேன்,

எனக்குள் அவ்வளவு சந்தோஷம்  
என்னவென்றால் இவள் 
என்னைக் காணமலே ரசிக்கிறாள்,

நான் அங்கிருந்து உதைத்தாலும் 
உள்ளே மூச்சிழுத்து எனக்கு 
சுவாசம் தருகிறாள்,

மூழ்கி விட்டேன் என்றேனல்லவா...?
கருவில் சிசுவாய் அவளின்
உள்ளே உரு பெறுகிறேன்,

என்னை மூச்சடக்கி அடைகாத்துக் 
கொண்டிருக்கிறாள் இந்த 
பூவுலக தேவதை,

எங்கேயும் முட்டாமல்,மோதாமல்
என்னைத் தாங்கிய படியே 
நடந்து செல்கிறாள்,

இவளின் உன்னதமான அன்பை
இப்போது நான் மட்டுமே அறிவேன்,

ஆனால் இவள்  அடிக்கடி
சோர்ந்து போகிறாள்,
காரணம் நானென்று அறிகிறேன்,

இருந்தாலும் நான் என்ன 
செய்வேன் இப்போது...?

இன்னும் கொஞ்ச நாள்தான் 
என்று சொல்ல நினைக்கிறேன்
ஆனால் முடியவில்லை,

நான் சீக்கிரமாய் வெளிச்சத்தில் 
வந்து விடுவேன் என்று 
தோன்றுகிறது இன்று,

இவள் யார் எனக்கு...?
சொல்லித்தர யாருமில்லை,

ஆனால் கண்டிப்பாக வெளியே 
வந்ததும் கத்திவிடுவேன் அம்மாவென்று....

By....
-Ajai Sunilkar Joseph